Enquesta plan malaisada per lo comissari Darnaudguilhem… Clauvat dins la bòria de sos parents adoptius aprep una operacion dau genolh, fai la rencontra d’un dròlle dau país que suert de set ans de preison per un murtre que a pas comès. Emb l’ajuda de colaborators mai o mens oficiaus, se lança dempuei son liech de dolor a la chercha dau murtrier vertadier. Coma totjorn, l’afar pas tant simpla que quò, esvelha daus ressons sauvertós vielhs de trente ans. Una disparicion inexplicada, un vielh texte de chançon que sembla portar malor, un chamin bien nommat Copa-Gòrja, quauques mòrts de mai, veiqui de que, entre umor e suspense, vos tener en alen jurcinc’a la darriera pagina.
Joan Ganhaire (en francés Jean-Leopold Ganiayre) es un escrivan perigordin qu’escriu sas òbras en lemosin. Es nascut a Agen en Òlt e Garona lo 21 de mai de 1941. Après aver seguit sos estudis segondaris a Peireguers estudièt la medecina a Bordèu per s’installar com mètge en Peirigòrd ont naissèt sa vocacion d’escrivan occitan. Obtenguèt lo Prèmi Jaufre Rudèl en 2001 amb son òbra Lo viatge aquitan. Ganhaire es conselhièr generau dau Canton de Brantòsme en Dordonha dempuei 2004.